Ka vijuar përplasja në distancë mes deputetit socialist Ardit Bido dhe kryedemokratit Sali Berisha, pas debateve të zhvilluara në Kuvend lidhur me qëndrimet e palëve mbi gjenocidin serb në Kosovë.
Në një reagim publik, Bido sqaroi se u largua nga seanca plenare për arsye familjare, por nuk la pa iu kundërpërgjigjur deklaratave të Berishës. Deputeti socialist i sugjeroi liderit të opozitës që, përpara se të flasë për çështje të tilla me ndjeshmëri të lartë kombëtare, “të dëgjojë minimalisht deputetin e tij Tritan Shehu”.
“U largova nga salla për arsye familjare, por i sugjeroj zotit Berisha që të dëgjojë së paku deputetin e tij Tritan Shehu, përpara se të bëjë deklarata të tilla”, u shpreh Bido.
Debati mbi qëndrimet ndaj gjenocidit serb ka ndezur tensione të reja mes mazhorancës dhe opozitës, me të dyja palët që akuzojnë njëra-tjetrën për qëndrime kontradiktore në raport me Kosovën dhe historinë e saj.
