Një shtetas shqiptar është ndaluar në pikën kufitare të Kroacisë pasi autoritetet zbuluan 702,435 euro të padeklaruara, të fshehura në pjesë të ndryshme të automjetit që ai drejtonte.

Sipas ligjit kroat dhe rregullave të Bashkimit Evropian, çdo shumë mbi kufirin e lejuar duhet të deklarohet, gjë që drejtuesi i makinës nuk e kishte bërë. Paratë u sekuestruan menjëherë, ndërsa shqiptari u arrestua dhe ndodhet në paraburgim, ndërkohë që hetimet për zbardhjen e plotë të ngjarjes vijojnë.

Autoritetet e konsiderojnë rastin si kontrabandë financiare dhe paralajmërojnë kontrolle të rrepta në të gjithë pikat kufitare për parandalimin e ngjarjeve të ngjashme.