Pas një seance gjashtë-orëshe, mbrojtja e 22-vjeçarit greko-britanik, i akuzuar për vrasjen e dyfishtë në kampingun e Finikoundës, është përmbyllur. Avokati i tij, Dimitris Gavelas, deklaroi se klienti mbeti i vendosur në pretendimin se nuk është autori fizik i ngjarjes dhe se bashkëpandehuri i tij ishte personi që hyri në vendin e krimit.

Gavelas theksoi se mbrojtja ishte intensive dhe e detajuar: “Klienti im përshkroi ngjarjet ashtu siç i përjetoi në çdo fazë të procedurës. Procesi hetimor ka ende rrugë për të ndjekur,” tha ai.

I riu këmbënguli se nuk ka hyrë në vendin e ngjarjes, nuk ka sjellë armën dhe nuk ka qëlluar me të, duke theksuar se ishte jashtë, në motoçikletë, dhe se kishte qenë i pranishëm vetëm për të ndihmuar në një akt zhvatjeje, pa përfshirje në vrasje. Avokati po ashtu mohoi njohjen paraprake të klientit me dy viktimat, duke përjashtuar çdo motiv personal.

Në lidhje me identifikimin nga i vetmi dëshmitar okular, avokati u shpreh se deklarata është e pasaktë dhe e kundërshtuar nga klienti, duke vënë në dyshim besueshmërinë e provës kryesore kundër tij.

Seanca e mbrojtjes u zhvillua në zyrën e oficerit hetues, ku bashkëpandehuri 22-vjeçar gjithashtu po ndiqte procedurat e tij. Proçesi gjyqësor vijon ndërsa autoritetet hetimore po shqyrtojnë çdo detaj të ngjarjes.