Ministrja franceze e Kulturës, Rachida Dati, njoftoi se një nga bizhuteritë e grabitura nga Galeria Apollo në Muzeun e Luvrit është gjetur pranë vendit të ngjarjes, ndoshta pasi kishte rënë gjatë arratisjes së autorëve, raporton BBC.

“Gjendja e saj po vlerësohet,” deklaroi Dati, duke shtuar se rasti ende nuk është konfirmuar zyrtarisht nga autoritetet. Ajo përshkroi hajdutët si profesionistë që vepruan pa dhunë dhe pa krijuar panik.

Grabitja ndodhi në Galerinë Apollo, ku ruhen bizhuteri mbretërore të paçmuara dhe diamante të rralla. Sipas zyrtarëve, u vodhën gjithsej nëntë bizhuteri, ndërsa hetimet për identifikimin e autorëve vijojnë.