Këngëtarja e njohur shqiptare, Genta Ismajli, ka rrëfyer për sfidat që po përballet me shëndetin gjatë një interviste për “Ëeekend” në Klan Kosova. Artistja tregoi se për shkak të një përkeqësimi në qafë, ajo nuk mund t’i kthehet skenës si më parë.

“Kam pasion vallëzimin dhe ndihem shumë keq. Kam problem në qafën time prej shumë vitesh për shkak të vallëzimit që kam bërë në koncerte të ndryshme. Kam bërë trajtime, po nuk më kanë bërë dhe aq mirë. Tani që po përpiqem të kthehem në skenë dhe të realizoj klipe e këngë të reja, kam pësuar sërish lëndime gjatë trajnimeve,” – tha ajo.

Si pasojë, projekti i saj i ri i videoklipit është anuluar, ndërsa Genta po përqendrohet në trajtime për rikuperimin e shëndetit të saj.