Influencerja Vesa Vllasaliu dhe sulmuesi i Kombëtares Shqiptare, Mirlind Daku, kanë konfirmuar publikisht romancën e tyre, pas muajsh thashethemesh në media.

Ka qenë vetë Vesa ajo që ndau momente të veçanta me partnerin në rrjetet sociale, duke u shfaqur duke u puthur dhe duke festuar përvjetorin e lidhjes. Në një Instastory, ajo publikoi një foto të një buqete me trëndafila të kuq, që mesa duket ia ka dhuruar Daku, me mbishkrimin:

“Gëzuar përvjetorin.”

Edhe pse lidhja e tyre ishte mbajtur e fshehtë nga publiku, Vesa është parë shpesh duke e përkrahur Dakun në ndeshje të Kombëtares, përfshirë përballjen ndaj Letonisë në stadiumin “Air Albania”.

Ky hap publik konfirmon atë që fansat dhe mediat kishin dyshuar prej kohësh: mes influenceres dhe sulmuesit ka një romancë të vërtetë që tashmë nuk fshihet më.