Një ngjarje e rëndë është zbuluar në Katania të Italisë, ku një grua 44-vjeçare me origjinë nga Rumania është shpëtuar nga policia, pasi mbahej peng për më shumë se një muaj në një banesë.

Sipas mediave italiane, autor i ngjarjes është një 60-vjeçar italian, i cili kishte publikuar në rrjetet sociale një njoftim të rremë pune, duke kërkuar një “grua për kujdesin e shtëpisë”.

E ndjera, në kërkim të punës, kishte kontaktuar me burrin dhe kishte rënë dakord të fillonte punën në banesën e tij. Por oferta ishte një kurth: sapo ajo mbërriti, burri e izoloi dhe e mbajti të mbyllur, duke abuzuar seksualisht me të për një muaj të tërë.

Operacioni i policisë që çoi në shpëtimin e gruas ndodhi pas një sinjalizimi nga fqinjët, të cilët kishin dëgjuar zhurma dhe kërkesa për ndihmë nga brenda banesës.

Autori është arrestuar dhe akuzohet për rrëmbim, dhunë seksuale dhe mbajtje peng të personit, ndërsa viktima ndodhet nën kujdesin e autoriteteve dhe po merr ndihmë psikologjike.