Cristiano Ronaldo vazhdon të shkruajë historinë e futbollit botëror. Ylli portugez shënoi në minutën e 88-të të ndeshjes Al Nassr–Hazem, duke u bërë futbollisti i parë në histori që arrin në kuotën e 950 golave të shënuar në karrierë.

Goli erdhi pas një kundërsulmi të nisur nga Wesley dhe ishte i vlefshëm për javën e 6 të Ligës Arabe të Futbollit. Me këtë shënim, Ronaldo ka arritur 106 gola me Al Nassr, ndërsa më parë kishte shënuar 5 gola me Sportingun e Lisbonës, 145 me Manchester United, 450 me Realin e Madridit dhe 101 me Juventusin.

Në nivel ndërkombëtar, Ronaldo ka shënuar 143 gola me përfaqësuesen e Portugalisë, duke e çuar totalin e tij në 950 gola në karrierë. Me këtë ritëm, ylli portugez po afrohet gjithnjë e më shumë drejt kufirit historik prej 1000 golash, duke i shkruar një kapitull tjetër të jashtëzakonshëm futbollit botëror.

Cristiano Ronaldo vazhdon të tregojë se mosha nuk është pengesë për një legjendë që sfidon kohën dhe rekordet.