Aktorja e njohur Jennifer Lawrence ka folur hapur për periudhën e ndjeshme pas lindjes së fëmijës së dytë, duke zbuluar se përjetoi ankth dhe pasiguri të thellë gjatë ditëve të para të mëmësisë.

Në një intervistë për The New Yorker, Lawrence rrëfeu se ndonjëherë stresi ishte aq i fuqishëm, sa çdo gjumë i foshnjës e kthente në një ankth të ri.
“Sa herë që flinte, mendoja se kishte vdekur,” – u shpreh ajo, duke theksuar frikën dhe pasigurinë që nuk e lejonin të ndihej e qetë për asnjë çast.

Aktorja pranoi gjithashtu se shpesh ndjente faj dhe dyshim ndaj vetes, duke menduar se nuk po arrinte të ishte një nënë e mirë, një përvojë e zakonshme për shumë prindër të rinj që përballen me presionin dhe përgjegjësitë e mëmësisë.

Lawrence nënvizon rëndësinë e njohjes dhe trajtimit të këtyre emocioneve, duke i dhënë një zë hapur sfidave të shëndetit mendor pas lindjes.