Kryeministri Edi Rama kujtoi sot figurën e ish-kryeministrit dhe liderit historik të Partisë Socialiste, Fatos Nano, duke e përshkruar si një udhëheqës të jashtëzakonshëm, i formësuar edhe nga sakrificat e tij personale.

“Ishte dyzimi i natyrës së tij, aspak sistematik, i kombinuar me burgosjen absurde, që e bëri fatin e PS-së dhe e bekoi Fatos Nanon si lider të pakonkurrueshëm, duke i dhënë një frymëmarrje të re,” tha Rama, duke theksuar se pa sakrificën e Nano-s, socialistët do të kishin pasur një fat më të vështirë.

Kryeministri kujtoi edhe një nga momentet më të fuqishme në udhëheqjen e Nanos: pamjen e tij sapo doli nga burgu, me dorën e majtë që tregonte përpara dhe sytë plot shkëlqim dhe energji politike, simbol i qëndrueshmërisë dhe vizionit të tij për Partinë Socialiste.