Vlorë – Policia e Vlorës, së bashku me Forcat Operacionale dhe FNSH-në, ka shtuar kontrollet në qytet pas ngjarjeve të fundit, me qëllim rritjen e sigurisë publike. Masat janë të përqendruara në pikat kryesore të qytetit bregdetar.

Kontrollet fokusohen tek drejtuesit e mjeteve luksoze, personat me precedentë penalë, si dhe tek individët që dyshohet se qarkullojnë me armë të ftohta ose nën efektin e pijeve alkoolike. Po kryhen gjithashtu verifikime për dokumentacionin e mjeteve dhe respektimin e rregullave të qarkullimit rrugor.

Burime nga policia bëjnë me dije se kontrollet do të vijojnë edhe në ditët në vijim në të gjitha akset kryesore të qytetit, me synimin parandalimin e ngjarjeve kriminale dhe garantimin e rendit dhe qetësisë publike.