Një aksident i pazakontë ka ndodhur në daljen jugore të Lushnjës, ku një automjet tip Ford me targa AB 324 CI, i drejtuar nga një 40-vjeçare, ka goditur një tufë bagëtish.

Si pasojë, disa bagëti të imëta kanë ngordhur, ndërsa mjeti ka pësuar dëme materiale. Drejtuesja e automjetit nuk ka pësuar lëndime, ashtu si edhe bariu, i cili nuk ndodhej në rrugë në momentin e përplasjes.

Policia e qarkullimit rrugor mbërriti menjëherë në vendngjarje, dokumentoi incidentin dhe rregulloi trafikun e krijuar nga ngjarja.