Pas vendimit të Gjykatës Kushtetuese që rikthen Erion Veliajn në krye të Bashkisë së Tiranës, kandidati i pavarur Florjan Binaj ka dhënë mesazhin e tij për qytetarët.
“Për mua dhe për qytetarët e Tiranës, thelbi mbetet i njëjtë: Tirana ka nevojë për ndryshim,” shkruan Binaj, duke konfirmuar se do të kandidojë për kryebashkiak sapo të zhvillohen zgjedhjet. Ai thekson se kjo garë nuk është për pushtet, por për përmirësimin e qytetit dhe shërbimin me ndershmëri dhe transparencë ndaj qytetarëve.
Binaj nënvizon mbështetjen e marrë nga qytetarët gjatë këtij procesi dhe shprehet se, pavarësisht vendimit të Kushtetueses, rrugëtimi i tij për ndryshim në Tiranë vazhdon. “Ndryshimin që duan qytetarët e Tiranës nuk do ta ndalë asgjë,” përfundon kandidati.
