Pas një periudhe të gjatë mungese në publik, këngëtari dhe fituesi i “Big Brother VIP Albania 4”, Gjesti, është rikthyer në vëmendje përmes një postimi intriguese të publikuar nga produksioni i tij, “Three60 Music”.

Në imazhin e shpërndarë për Halloween, artisti shfaqet i maskuar, me një stil të errët dhe artistik, duke rikrijuar një atmosferë misterioze që ka ngjallur menjëherë reagime në rrjet.

Në përshkrimin që shoqëronte foton, thuhej:
“We don’t do tricks. Only hits.”
Një fjali e shkurtër, por domethënëse, që ka mjaftuar për të ndezur kureshtjen e ndjekësve mbi një rikthim të mundshëm muzikor të këngëtarit.

Burime pranë produksionit “Three60 Music” lënë të kuptohet se Gjesti është në përgatitje të projekteve të reja muzikore, duke i dhënë fund pauzës së gjatë që pasoi fitoren e tij në spektaklin e njohur televiziv.