Mediat turke janë përfshirë nga zërat për një romancë të re në showbiz, këtë herë mes aktores së njohur Demet Özdemir dhe futbollistit të Galatasaray, Lucas Torreira.

Gjithçka nisi pas një detaji të vogël, por domethënës: një “like” që Torreira i bëri një fotografie të fundit të publikuar nga Demet në Instagram. Ky veprim ka mjaftuar për të ndezur rrjetet sociale dhe për të nxitur spekulimet se mes tyre mund të ketë lindur diçka më shumë sesa miqësi.

Portali i njohur turk Magazinane shkroi se “Sevgili olduklarının ilanı gelmiş” — që në përkthim do të thotë “Erdhi konfirmimi i lidhjes së tyre”, duke i dhënë më shumë peshë thashethemeve.

As Demet Özdemir, e njohur për rolet e saj në seriale si Erkenci Kuş dhe Adım Farah, dhe as Lucas Torreira, mesfushori uruguaian i njohur për energjinë e tij në fushë, nuk kanë reaguar ende publikisht për lajmet që po qarkullojnë me shpejtësi.