Në dosjen e SPAK që lidhet me hetimet për tenderin e ndërtimit të tunelit të Llogarasë, janë zbardhur edhe biseda të reja mes dy zyrtareve të përfshira në procesin e vlerësimit të ofertave.

Sipas dokumenteve hetimore, Valbona Pepa dhe Jetmira Dervishi – kjo e fundit e marrë e pandehur për shkelje të barazisë në tendera në cilësinë e anëtares së Komisionit të Vlerësimit të Ofertave (KVO) – kanë komunikuar në mënyrë joformale lidhur me shpalljen e fituesit të tenderit, që ishte kompania turke.

Biseda e përgjuar (1 tetor 2021)
• Ora 16:13 – Valbona Pepa: “I dërgon Jetmirës – shpall fituesi Turku me gjoken.”
• Ora 16:14 – Valbona Pepa: “Ok. Si duket, si t’ka gjo në terezi?”
• Ora 16:15 – Jetmira Dervishi: “Do e flasim të hënën.”
• Ora 16:15 – Valbona Pepa: “Djalë a vajzë deri të hënën, ohuuuu.”
• Ora 16:16 – Jetmira Dervishi: “Hahahah.”
• Ora 16:21 – Valbona Pepa: “Ku je ti që do i skualifikoje kur them unë?”
• Ora 16:23 – Jetmira Dervishi: “U argumentua në grup, meritonte.”
• Ora 16:26–16:28 – Valbona Pepa: “Ta dish ti se qendron puna, të hënën flasim. E mos më bëj kompetenten.”
• Ora 16:28 – Jetmira Dervishi: “Do e flasim të hënën.”
• Ora 16:28 – Valbona Pepa: “Ciao.”
• Ora 16:28 – Jetmira Dervishi: “Se ta dish ti si qëndron puna.”
• Ora 16:28–16:30 – Valbona Pepa: “Po, që nga emri e kuptova. Sekretim. Dolët ju. E bëra në sistem.”
• Ora 16:31 – Jetmira Dervishi: “Po po, dolëm. Se unë po iki, jemi për drekë.”

Sipas SPAK, kjo bisedë është një nga provat që tregon se procesi i tenderimit mund të ketë qenë i paracaktuar, dhe se disa zyrtarë kanë pasur dije paraprakisht për fituesin e kontratës shumëmilionëshe.

Hetimet për tunelin e Llogarasë, një nga projektet më të mëdha infrastrukturore në vend, vijojnë, ndërsa disa persona janë nën hetim për shpërdorim detyre dhe shkelje të barazisë në tenderë.