Brighton, Mbretëria e Bashkuar – Një emigrant shqiptar, 22-vjeçari Ervis Doksani, është arrestuar nga Agjencia Kombëtare e Krimit (NCA) pas një operacioni të armatosur në qendër të qytetit për furnizim me drogë të klasit A.

Doksani u vu re më 2 tetor duke zhvilluar takime të shkurtra me persona të ndryshëm, sjellje që ngriti dyshime për aktivitet të paligjshëm. Kontrolli fizik zbuloi sasi të vogla kokaine të ndara në 12 qese, të fshehura brenda një kutie mentash dhe pakete cigaresh.

Hetimet vijuan në banesën e tij në Dyke Road, ku u gjetën 200 gramë të tjera kokainë, disa prej të cilave të vendosura në një tigan, si dhe rreth 1.000 paund para cash.

Në paraqitjen e tij në Gjykatën e Lartë të Lewes, Doksani pranoi fajësinë për posedim me qëllim shpërndarjeje të drogës së klasit A dhe u dërgua në paraburgim deri më 27 nëntor, kur do të zhvillohet seanca e dënimit.

Komandantja e NCA-së, Sara-Jayne Moore, deklaroi:

“Tregtia e drogës nuk ka vend në rrugët tona. Droga e klasit A shkatërron jetë dhe komunitete. Ne do të vazhdojmë të bëjmë çdo gjë për të mbrojtur publikun nga ky kërcënim.”

Rasti tregon përpjekjet e vazhdueshme të autoriteteve britanike për të goditur tregtinë e paligjshme të drogës dhe për të mbrojtur qytetarët.