Kryeministri Edi Rama ka ndarë detaje nga takimi i zhvilluar në rezidencën kryeministrore në Hagë me shefin e qeverisë së Holandës, Dick Schoof. Në një postim në Facebook, Rama e ka përshkruar si një “kënaqësi të posaçme” mikpritjen e Schoof dhe ka theksuar rëndësinë e bisedave mbi marrëveshjen e partneritetit strategjik mes dy shteteve.

“Folëm për marrëveshjen e partneritetit strategjik mes dy shteteve tona, diçka e pamendueshme vetëm deri pak vite më parë,” shkruan Rama, duke nënvizuar avancimin e marrëdhënieve ndërmjet Shqipërisë dhe Holandës.

Takimi vjen në një kohë kur qeveria shqiptare synon forcimin e bashkëpunimit ndërkombëtar dhe investimeve strategjike në rajon.