Një incident i rëndë është regjistruar pasditen e së dielës, ku reperi i njohur Don Xhoni, së bashku me vëllain e tij dhe disa miq, dyshohet se kanë sulmuar fizikisht producentin Shkumbin Nebihu, i njohur si Bini Diez.

Sipas burimeve, gjatë konfliktit janë përdorur edhe armë, ndërsa vetura e producentit është goditur dhe dëmtuar. Ngjarja ka shkaktuar reagime të forta në komunitetin artistik dhe po hetohet nga autoritetet.

Vetë Nebihu ka reaguar për “Prive”, duke e cilësuar sulmin si tejet të rëndë dhe të papranueshëm.

“Jam shokuar. Kjo që ka ndodhë sonte është më e keqja që kishte mundur me bë një shqiptar. Nuk e kemi as traditë e as zakon, sidomos kur është dikush me familje,” u shpreh ai.

Producenti shtoi se në momentin e sulmit ka parë qartë Don Xhonin dhe vëllain e tij.

“Ma kanë zënë rrugën me një kerr. Kanë tentu me i mëshu kerrit,” deklaroi Bini, duke treguar se situata ka qenë jashtëzakonisht e rrezikshme.

Hetimet për incidentin vijojnë, ndërsa palët e përfshira nuk kanë dhënë ende një deklaratë të plotë publike.