TIRANË – Kryeministri Edi Rama ka shpallur sot paketën e rritjes së pagave për vitin 2026, duke përfshirë sektorët më të rëndësishëm si mësuesit, mjekët, infermierët dhe policët.
Rama tha se paga mesatare prej 850 eurosh do të indeksuar çdo dy vjet për të mbështetur rritjen e standardeve të jetesës dhe punonjësit me paga të ulëta.
“Paga mesatare është 850 euro. Për herë të parë do të fusim indeksimin e pagës çdo dy vjet në administratë, që të mbështesim rritjen e standardeve të jetesës. Për të mbështetur punonjësit me paga të ulëta,” u shpreh Kryeministri.
Sipas tij, rritjet konkrete do të jenë:
• 10,500 punonjës shërbimi – 10,000 lekë më shumë;
• Specialistët – 5,000 lekë;
• Mësuesit – 3,000 lekë;
• Mjekët – rritje në bazë të vjetërsisë në punë;
• Infermierët – pagë 92,500 lekë;
• Policët, përfshirë komisarët dhe nënkomisarët – 5,000 lekë.
Rama theksoi se të ardhurat më të larta të biznesit do të taksohen më shumë, duke mbajtur një sistem të drejtë fiskal.
“Flitet për taksa dhe barrë fiskale, por dua të shtoj se te biznesi i madh ne jemi vendi që ata që fitojnë më shumë i takson më shumë,” tha Kryeministri.
Ky vendim synon të përmirësojë standardin e jetesës dhe të stimulojë rritjen ekonomike në vend, duke garantuar mbështetje të drejtpërdrejtë për punonjësit e sektorëve kyç.
