Policia e Fierit ka vënë në pranga dy persona pas një incidenti me armë zjarri që ndodhi mbrëmjen e djeshme në një lokal në lagjen “8 Shkurti”.

Në pranga ra 36-vjeçari Mariglen Sinaj, një nga të përfshirët në konflikt, si dhe pronari i lokalit, 43-vjeçari A. B., i cili akuzohet për “moskallëzim të krimit”.

Ndërkohë, personi që dyshohet se qëlloi me armë zjarri, 33-vjeçari Romeo Çako, banues në Fier, është shpallur në kërkim nga autoritetet.

“Specialistët për Hetimin e Krimeve kapën dhe arrestuan në flagrancë 36-vjeçarin Mariglen Sinaj, një nga të përfshirët në konflikt, si dhe pronarin e lokalit, 43-vjeçarin A. B., i cili akuzohet për veprën penale ’Moskallëzim i krimit’,” njofton policia.

Hetimet për identifikimin dhe kapjen e autorit të dyshuar vijojnë intensivisht.