Një aksident rrugor u regjistrua mesditën e sotme në Bulqizë, në zonën e njohur si “Ura e Vocit”, ku dy makina u përplasën me njëra-tjetrën.

Pamjet nga vendngjarja tregojnë se një nga automjetet përfundoi jashtë rrugës, duke krijuar situatë alarmante për shoferët dhe kalimtarët. Në vendin e ngjarjes mbërritën menjëherë policia dhe ambulanca, të cilët ofruan ndihmën e parë dhe transportuan të përfshirët drejt spitalit të Bulqizës për mjekim të mëtejshëm.

Policia dhe grupi hetimor po punojnë për të zbardhur shkaqet e aksidentit, ndërsa autoritetet rrugore bëjnë thirrje për kujdes maksimal në këtë aks rrugor.