Skiatori shqiptar Denni Xhepa, 22 vjeç, ka shënuar rezultate të jashtëzakonshme në disiplinën Giant Slalom gjatë garave të Audi FIS World Cup në Val Cenis, Francë, duke vendosur një moment historik për skivin shqiptar.

Sipas Federatës Shqiptare të Skive, në dy garat e zhvilluara më 8 dhe 9 dhjetor, Xhepa arriti vendin e 3-të në garën e parë dhe vendin e 10-të në garën e dytë, duke u renditur pas francezëve Talayarch Clement dhe Heude Arthur.

“Performancat e Xhepës në Val Cenis dëshmojnë zhvillimin e qëndrueshëm të skive shqiptare dhe forcimin e pranisë së Shqipërisë në aktivitetet ndërkombëtare,” thekson Federata. Trajnerët dhe organizatorët shprehen se rezultatet e tij janë një frymëzim për brezin e ri, duke treguar se sportistët kuq e zi konkurrojnë me dinjitet dhe pasion në arenat më prestigjioze të botës.

Skiatori shqiptar do të vazhdojë garat në Francë edhe në dy ditët e ardhshme, me qëllim uljen e mëtejshme të pikëve FIS dhe konsolidimin e pozitës së tij ndërkombëtare.