Policia e Shtetit, në bashkëpunim të ngushtë me autoritetet greke, ka finalizuar arrestimin e katër shtetasve shqiptarë të dyshuar si pjesë e një grupi kriminal që kryente vrasje me pagesë në territorin grek.

Të arrestuarit janë identifikuar si:
• Dhimitër Meci, 45 vjeç
• Andrea Brokeri, 32 vjeç
• Fatjon Prendi, 39 vjeç
• Petro Theohari, 31 vjeç

Sipas hetimeve, grupi dyshohet se ka qenë i përfshirë në një sërë aktivitetesh kriminale dhe ka operuar si një celulë e strukturuar për kryerjen e vrasjeve me kontratë.

Gjatë kontrolleve të ushtruara në banesën e 45-vjeçarit Dhimitër Meci në Gjirokastër, policia shqiptare ka sekuestruar një arsenal të plotë armësh. Në banesë u gjetën:
• 2 kallashnikovë,
• 1 armë zjarri automatike,
• 200 fishekë kallashnikovi,
• një sasi e konsiderueshme fishekësh pistolete,
• 5 krehra armësh.

Autoritetet e të dy vendeve po vijojnë hetimet për të zbardhur aktivitetin e plotë të grupit, lidhjet e mundshme me ngjarje kriminale në Greqi dhe Shqipëri, si dhe për të identifikuar bashkëpunëtorë të tjerë.