Policia e Vlorës ka finalizuar një operacion të menjëhershëm duke arrestuar katër persona, të dyshuar për një ngjarje të rëndë kriminale: pengmarrjen e një shtetasi kosovar dhe shtrëngimin e tij me anë të kanosjes.

Sipas njoftimit zyrtar, të arrestuarit, banues në zonën e Lumit të Vlorës, kishin marrë peng një shtetas nga Kosova dhe e mbanin të izoluar në një banesë pranë “Rrugës së Re”. Ata i kishin kërkuar familjarëve 70 mijë euro në këmbim të lirimit.
Policia e Vlorës ka arrestuar tre persona të cilët dyshohet se morën peng një shtetas kosovar, Fisnik Xhaka. Sipas informacioneve në prangat janë vënë shtetasit Vilson Agaj, Orest Çorapaj dhe Julian Zogaj.

Dyshohet se këta shtetas kanë mbajtur shtetasin kosovar për rreth dy javë në një banesë pranë zonës së quajtur “Rruga e re” ne Vlorë duke i kërkuar 70 mije euro.
Operacioni u bë i mundur falë denoncimit të motrës së pengut, e cila jeton në Suedi dhe njoftoi menjëherë autoritetet shqiptare për ngjarjen. Policia ndërhyri me shpejtësi, duke çliruar pengun dhe vënë në pranga autorët.

Hetimet vijojnë për të zbuluar nëse pengmarrja lidhet me konflikte të mëparshme, borxhe apo aktivitet tjetër kriminal.