Mesfushori i Kombëtares shqiptare, Qazim Laçi, ishte protagonist në fitoren e thellë 3-0 të Rizespor ndaj Eyüpspor, në një ndeshje të kampionatit turk.

Laçi ekzekutoi një penallti me sukses, duke mposhtur portierin kundërshtar dhe duke dhuruar një gol vendimtar për skuadrën e tij. Përveç golit, ai zhvilloi një paraqitje shumë pozitive gjatë gjithë takimit dhe u vlerësua me notën 8.5, ndër më të mirët në fushë.

29-vjeçari po kalon një sezon të mirë në aventurën e tij të parë në Turqi, me 2 gola dhe 3 asiste deri tani, duke konfirmuar rolin e tij kyç në mesfushën e Rizespor.