Denisa, bashkëshortja e tiktokerit Kozak, ka ndarë një rrëfim prekës nga spitali, vetëm një ditë pas një aksidenti automobilistik që e tronditi thellë.

Në postimet e saj në Instagram, ajo e përshkroi ngjarjen si një provë shpirtërore, duke treguar se aksidenti i ndali frymën dhe e mbushi me frikë. “Dje Zoti më vuri përballë një prove shumë të fortë. Një aksident që më ndali frymën dhe më mbushi me frikë”, shkroi ajo, duke theksuar se mendja dhe zemra i shkuan menjëherë te bebi që mbante brenda saj.

Fatmirësisht, Denisa konfirmoi se si ajo, ashtu edhe bebi, janë në gjendje të mirë shëndetësore: “Në atë moment mendova vetëm për bebin tim. Falë Zotit, si unë, si ai, jemi mirë”.

Ajo gjithashtu bëri një thirrje ndërgjegjësuese për ndjekësit e saj, duke i ftuar të tregojnë kujdes në rrugë: “Një moment, një përplasje dhe gjithçka mund të ndryshojë. Ju lutem, kujdesuni për veten dhe për tjerët”.