Nick Reiner, djali i regjisorit të njohur amerikan Rob Reiner, është arrestuar dhe ndodhet në paraburgim, pasi u gjetën të pajetë ai dhe bashkëshortja e tij, Michele Singer Reiner, në banesën e tyre luksoze në Los Anxheles. Lajmi është konfirmuar nga BBC, ndërsa autoritetet amerikane kanë nisur hetime intensive për zbardhjen e rrethanave të ngjarjes.

Sipas policisë, dy vdekjet po hetohen si një rast i dyshuar vrasjeje, duke e konsideruar ngjarjen si “një krim të pastër”. Detaje të tjera mbi shkaqet e sakta të vdekjes dhe dinamikën e ngjarjes nuk janë bërë ende publike, ndërsa hetimet vijojnë.

Në mes të këtij zhvillimi të rëndë, reagime ka pasur edhe në arenën politike. Presidenti amerikan Donald Trump ka komentuar rastin në rrjetet sociale, duke deklaruar pa ofruar prova se çifti “thuhet se ka vdekur për shkak të zemërimit që ai u shkaktoi të tjerëve”, duke përmendur të ashtuquajturën “Trump Derangement Syndrome”. Komenti ka ngjallur polemika të forta, pasi Nick Reiner njihej si një kritik i hapur dhe i vazhdueshëm i presidentit.

Ngjarja ka tronditur opinionin publik dhe botën e artit, duke qenë se Rob Reiner është një nga emrat më të mëdhenj të kinemasë amerikane. Ai ka drejtuar filma tashmë legjendarë si “When Harry Met Sally”, “This Is Spinal Tap”, “The Princess Bride”, “Stand By Me”, “Misery” dhe “A Few Good Men”.

Autoritetet kanë bërë të ditur se më shumë informacione do të publikohen në vijim, ndërsa hetimet për këtë ngjarje të rëndë vazhdojnë.