Anëtari i Kryesisë së Partisë Demokratike, Ervin Salianji, u prit me entuziazëm nga mbështetësit dhe strukturat e degës së PD gjatë një takimi publik.

Salianji tha se qëllimi i kësaj lëvizjeje është kthimi i Partisë Demokratike në forcën fituese të vendit. “Shumë pyesin se çfarë duam ne me këtë lëvizje? Ne duam që PD të jetë fituese”, u shpreh ai.

Ai kritikoi ashpër kryeministrin Edi Rama dhe qeverinë e tij, duke deklaruar se çdo ditë del në dritë një aferë e re. “Sot Edi Rama duhet të kishte dhënë dorëheqje”, shtoi Salianji.

Në përfundim, ai ftoi qytetarët dhe mbështetësit e PD që t’i bashkohen protestës kombëtare të 22 dhjetorit. “Në 22 dhjetor e gjithë energjia e kësaj salle dhe sallave në të gjithë Shqipërinë duhet të përplaset në muret e Kryeministrisë”, theksoi Salianji.