ROSKOVEC – Një aksident rrugor ka ndodhur dje në një aks të njohur për incidentet e shpeshta, ku një automjet tip “Benz”, me drejtues Josif Shkëmbin, është përplasur me një mjet bujqësor tip Zetor.

Si pasojë e përplasjes, drejtuesi i mjetit bujqësor, Ani Hazizi, ka mbetur i lënduar dhe është transportuar menjëherë drejt Qendrës Shëndetësore të Roskovecit për ndihmë mjekësore. Autoritetet bëjnë me dije se ai ndodhet jashtë rrezikut për jetën.

Ky aks rrugor njihet prej kohësh si një “njollë e zezë”, për shkak të numrit të lartë të aksidenteve që ndodhin aty, disa prej të cilave kanë pasur pasoja fatale. Policia vendore po vijon hetimet për sqarimin e shkaqeve të aksidentit dhe për të marrë masat e nevojshme për sigurinë në këtë segment rrugor.