LEZHË – Një aksident rrugor ka ndodhur dje pranë kryqëzimit të Gjadrit, në superstradën Lezhë–Shkodër, ku dy automjete janë përplasur me njëra-tjetrën.

Sipas informacionit paraprak, tre persona kanë mbetur të plagosur si pasojë e përplasjes. Menjëherë në vendngjarje kanë mbërritur ambulancat dhe shërbimet zjarrfikëse, të cilat kanë ofruar ndihmën e parë dhe kanë transportuar të plagosurit drejt spitalit për trajtim mjekësor.

Policia rrugore po vijon hetimet për sqarimin e shkaqeve të aksidentit dhe për të përcaktuar përgjegjësitë, ndërsa autoritetet apelojnë për kujdes maksimal gjatë qarkullimit në këtë segment rrugor.