Një debat mes Labinot Rexhës dhe Klodit brenda shtëpisë së Big Brother VIP Kosova ka degjeneruar ditën e sotme, duke përfunduar në një incident serioz. Sipas pamjeve dhe raportimeve, Klodi ka hedhur pije energjike në fytyrë Labit, i cili ndodhej në shtrat në momentin e ngjarjes.

Familja dhe menaxhmenti i Labinotit reaguan menjëherë përmes një deklarate zyrtare në Instagram, duke dënuar ashpër sjelljen dhe duke theksuar rrezikun që ky akt përbën për shëndetin e banorit. Në deklaratë thuhet:

“Ndaj Labit është ushtruar presion psikologjik, si dhe është kryer një veprim i papranueshëm duke i hedhur pije energjike në fytyrë, kryesisht në zonën e syve.”

Familja shprehet se ky veprim kalon çdo kufi të lojës apo debatit verbal dhe kërkon reagim të menjëhershëm nga produksioni:

“Kërkojmë të merren masat disiplinore përkatëse, në përputhje me rregulloren e Big Brother VIP Kosova.”

Gjithashtu, ata shprehin shqetësim që Klodi vazhdon të qëndrojë në shtëpi pa u marrë asnjë masë, duke krijuar, sipas tyre, një precedent të rrezikshëm për formatin.

Ngjarja ka ngjallur reagime të shumta nga publiku, ndërsa prodhuesit e programit pritet të japin një njoftim zyrtar lidhur me masat e mundshme ndaj banorit.