Një 48-vjeçar shqiptar, emigrant prej vitesh në Itali, ka ndërruar jetë në një aksident tragjik në Altopascio. Viktima, Fatmir Muslia, i njohur gjithashtu si Fabio, ishte një shofer kamioni i respektuar nga komuniteti vendas në Lucca.

Sipas mediave italiane, aksidenti ndodhi në rrugën “A1” në Calenzano, ku Muslia u përplas me një tjetër kamion për arsye ende të paqarta, duke humbur jetën në vend. Ai jetonte në Via di Vittorio dhe kishte punuar në Itali për rreth 20 vjet, duke u integruar mirë në komunitet.

Miqtë e tij e përshkruan si një njeri të sjellshëm dhe të dashur, gjithmonë i përkushtuar ndaj punës dhe jetës së përditshme: “Ishte gjithmonë i sjellshëm, i dashur, duke folur me miqtë – një person vërtet i mrekullueshëm. Gjithmonë i saktë në punë, kurrë i pakëndshëm,” thanë ata.

Funerali i Muslias u zhvillua në varrezat e qytetit të Tau-së, ku mori pjesë i gjithë komuniteti vendas dhe bashkatdhetarët e tij. Ai lë pas gruan, Blerinën, dhe dy fëmijët, Fabiano dhe Fabiola. Miqtë kujtojnë se Fabio frekuentonte shpesh klube lokale, ku luante bilardo, një nga pasionet e tij, dhe ishte i njohur për profesionalizmin e tij si “padroncino”, shofer vetëpunësues që transporton mallra për palë të treta.

Ngjarja ka lënë një trishtim të thellë në komunitetin shqiptar dhe italian, ndërsa autoritetet vijojnë hetimet për të zbardhur rrethanat e aksidentit.