Tirana – Një aksion i zhvilluar sot nga Policia e Shtetit ka zbuluar një rrjet kriminal që, sipas autoriteteve, operonte brenda kompanisë celulare “One Albania”. Gjatë operacionit u arrestuan 22 persona, mes të cilëve dy drejtues të lartë të kompanisë, Erald Sina dhe Artan Pullazi, të cilët, sipas policisë, kishin rol kyç në trafikimin e drogës në kryeqytet.

Sipas njoftimit zyrtar, grupi kriminal shiste kokainë dhe kanabis në lokale, tabakino dhe zona të ndryshme të Tiranës, duke vepruar me strukturë të mirëorganizuar. Policia njofton se operacioni synon dokumentimin e plotë të veprimtarisë së të gjithë anëtarëve të rrjetit.

Pronësia e “One Albania” rezulton të jetë e huaj, me Gellért Zoltán Jászai, një biznesmen hungarez me lidhje ndërkombëtare, ndër të cilët figura të njohura politike dhe financiare nga Hungaria dhe Rusia. Lidhjet e supozuara me elementë të krimit të organizuar dhe ndikimet e huaja kanë shtuar shqetësime për sigurinë e të dhënave dhe funksionimin e kompanisë në tregun shqiptar.

Policia vijon operacionet për kapjen e të gjithë të përfshirëve dhe hetimet janë në zhvillim, ndërsa qytetarët kërkohen të jenë vigjilentë dhe të raportojnë çdo aktivitet të dyshimtë.