Baron Trump, djali më i vogël i Presidentit amerikan Donald Trump dhe i vetmi fëmijë që jeton aktualisht në Shtëpinë e Bardhë, do të shfaqet për herë të parë në filmin e nënës së tij, Melania Trump. Premiera e filmit “Melania” është planifikuar për 30 janar, dhe trailer-i tregon Baronin duke qëndruar pranë nënës së tij dhe duke përshëndetur publikun në disa momente.
Ky debutim ka ngjallur interes të madh, duke ardhur pas spekulimeve se Barron mund të ketë lidhje me iniciativat teknologjike të familjes, përfshirë TikTok, pasi Presidenti Trump nënshkroi një urdhër ekzekutiv për krijimin e një versioni amerikan të aplikacionit. Ish-prodhuesi i TikTok, Jack Advent, sugjeroi se Barron mund të luajë një rol strategjik për të mbajtur platformën tërheqëse për të rinjtë.
Megjithatë, nuk ka pasur ndonjë njoftim zyrtar nga administrata Trump mbi këtë mundësi. Sipas revistës People, Barron është i fokusuar aktualisht tek biznesi dhe zhvillimi i interesave të tij financiare, duke shqyrtuar edhe mundësinë e hapjes së një kompanie të pasurive të paluajtshme, duke ndjekur gjurmët e babait të tij dhe synuar sukses në projekte me fitim.
