Xhodi Skura ka përfunduar rrugëtimin e saj në edicionin e pestë të “Big Brother VIP”, duke u bërë banorja e parë që largohet nga shtëpia më e famshme në Shqipëri.
Pas një nominimi ku përballë saj ishin Angelos, Seno dhe Lorna, Xhodi nuk arriti të sigurojë votat e mjaftueshme të publikut për të vijuar garën. Vendimi u komunikua gjatë spektaklit, duke i dhënë fund eksperiencës së saj në këtë format.
Pas eliminimit, Xhodi hapi edhe “biletën e fatit” në studio, por ajo nuk rezultoi pozitive, duke konfirmuar përfundimisht largimin e saj nga loja.
Me këtë dalje, Xhodi Skura shënon eliminimin e parë të “Big Brother VIP 5”, ndërsa gara mes banorëve të tjerë vijon me dinamika dhe tensione të reja në shtëpi.
