Një aksident rrugor është regjistruar mesditën e sotme në rrugën nacionale Peshkopi–Maqellarë, ku janë përplasur dy automjete.
Sipas informacioneve paraprake, në aksident janë përfshirë një automjet tip Mercedes-Benz dhe një automjet tip Ford. Përplasja ka qenë e fortë, duke shkaktuar plagosjen e tre personave, mes tyre edhe drejtuesi i njërës prej mjeteve.
Të lënduarit janë transportuar menjëherë drejt spitalit për të marrë ndihmën e nevojshme mjekësore. Burime nga spitali bëjnë me dije se ata ndodhen në urgjencë dhe gjendja e tyre shëndetësore paraqitet e stabilizuar.
Në vendngjarje kanë mbërritur shërbimet e Policisë, të cilat kanë kryer veprimet e para procedurale dhe po punojnë për të sqaruar shkaqet dhe rrethanat e aksidentit.
