Një ndërprerje masive e energjisë elektrike ka prekur sot jugperëndimin e Berlinit, duke lënë pa drita rreth 50 mijë familje dhe 2 mijë biznese, shkak i një zjarri në një lidhje kabllore të rrjetit elektrik, bën të ditur ofruesi Stromnetz Berlin.

Policia ka nisur hetimet për të përcaktuar nëse incidenti ishte i qëllimshëm, duke marrë parasysh precedentët e sulmeve të dyshuara politikisht që kishin shkaktuar ndërprerje të ngjashme në qytet në muajin shtator.

“Dëmet në kabllo janë të mëdha dhe riparimi do të marrë kohë,” tha Stromnetz Berlin, ndërsa ekipet punojnë për të siguruar furnizim të përkohshëm me energji. Autoritetet shpresojnë rikthimin e plotë të energjisë deri të enjten pasdite.

Ndërhyrja e shërbimeve të emergjencës është vështirësuar nga kushtet e ftohta, ndërkohë që ndërprerja ka ndikuar rëndë në ndriçimin e rrugëve, semaforë, rrjetet celulare, frigoriferët e supermarketeve dhe banesat private. Një shtëpi për të moshuarit ka kërkuar ndihmë për shkak të mungesës së ngrohjes në temperaturat pranë pikës së ngrirjes.