Një automjet është përfshirë nga flakët mbrëmjen e së shtunës në aksin rrugor Elbasan–Tiranë, në afërsi të “Tunelit të Krrabës”, duke shkaktuar panik tek drejtuesit e tjerë të mjeteve që qarkullonin në zonë.

Sipas burimeve nga vendngjarja, makina u mbulua plotësisht nga flakët, por fatmirësisht dhe drejtuesi arriti të dalë në kohë, duke shmangur dëmtime më të rënda.

Në vendngjarje kanë mbërritur menjëherë shërbimet e Policisë dhe zjarrfikësit, të cilët ndërhynë për të shuar flakët dhe për të normalizuar qarkullimin në segmentin rrugor.

Aktualisht nuk dihen shkaqet që shkaktuan rënien e zjarrit, ndërsa hetimet për zbardhjen e plotë të ngjarjes vazhdojnë.