Banorja e “Big Brother VIP Kosova”, Hygerta Sako, ka komentuar situatën e krijuar rreth Albës dhe mënyrën se si kjo e fundit po e përjeton lojën pas zhvillimeve të fundit në shtëpi.

Gjatë një bisede me Ludon, Hygerta u shpreh se për të do të ishte e pamundur të vazhdonte garën nëse në shtëpi do të hynte një person nga e kaluara e saj sentimentale.

“Mua të ma sjellin ish-burrin, unë çohem e iki”, deklaroi ajo, duke nënkuptuar se përfshirja e një ish-partneri në lojë do ta detyronte të tërhiqej menjëherë nga gara, edhe pse po lufton për më shumë se 100 mijë euro.

Deklarata erdhi në një moment kur në shtëpi kishte hyrë Limi, ish-partneri i Albës, një zhvillim që ka sjellë reagime të forta dhe ka ndikuar dukshëm në gjendjen emocionale të banores.

Fjalët e Hygertës u interpretuan si një krahasim i drejtpërdrejtë me situatën e Albës, duke nxjerrë në pah vështirësitë e përballimit të të kaluarës në një ambient të mbyllur dhe nën vëzhgimin e vazhdueshëm të kamerave.