Pas eliminimit të Edit nga shtëpia e “Big Brother VIP Kosova”, dinamika mes banorëve ka marrë një tjetër kthesë, sidomos pas rikthimit të Limit në shtëpi.
Me hyrjen e tij, Dolce ka ndryshuar dukshëm sjelljen, duke iu afruar menjëherë dhe shfaqur veprime të hapura afrimiteti, që duket se kanë lënduar Albën, ish-partneren e Limit.
Nga jashtë shtëpisë, Edi nuk ka qëndruar indiferent. Ai ka thumbuar Dolcen duke e quajtur “mendjelehtë” dhe ka zgjedhur të shprehë mbështetjen për Albën me një postim në rrjetet sociale, ku shkruante: “Go Alba”.
Një tjetër detaj që ka tërhequr vëmendjen e ndjekësve është fakti se Edi dhe Alba ndjekin njëri-tjetrin në Instagram, gjë që ka ngjallur spekulime mbi një lidhje të mundshme mes tyre.
Ende mbetet e paqartë nëse mes Edit dhe Albës do të lindë vetëm një miqësi e thjeshtë apo diçka më shumë, ndoshta edhe si një formë “hakmarrjeje” brenda lojës.
