Një aksident i rëndë rrugor ka ndodhur pak minuta më parë në aksin nacional Maqellarë–Peshkopi, në afërsi të rrugës së Tërpces, ku dy automjete janë përplasur kokë më kokë.
Si pasojë e përplasjes, katër persona kanë mbetur të plagosur dhe janë transportuar me urgjencë në Spitalin e Peshkopisë për ndihmë mjekësore. Burime nga spitali bëjnë me dije se gjendja shëndetësore e dy prej të plagosurve është e rënduar, ndaj është vendosur transportimi i tyre me helikopter drejt Tiranës për trajtim të specializuar.
Në vendngjarje kanë mbërritur menjëherë forcat e Policisë dhe shërbimet e emergjencës, të cilat po punojnë për sqarimin e plotë të shkaqeve dhe rrethanave të aksidentit. Për shkak të ngjarjes, qarkullimi i mjeteve në këtë segment rrugor ka qenë përkohësisht i bllokuar.
