Një tërmet me magnitudë 4 ballë të shkallës Rihter është regjistruar mëngjesin e së martës, më 20 janar, në rajonin e Lakonisë, në Greqi.

Sipas të dhënave paraprake sizmologjike, lëkundja kishte një thellësi fokale rreth 22.6 kilometra, ndërsa epiqendra është lokalizuar rreth 117 kilometra në jug-jugperëndim të Gerolimenas, në zonën e Lakonisë.

Deri në këto momente nuk ka raportime për dëme materiale apo persona të lënduar. Autoritetet greke bëjnë me dije se situata po monitorohet, ndërsa lëkundjet janë ndjerë lehtë edhe në zonat përreth, pa shkaktuar shqetësime serioze te banorët.