Problemet familjare në familjen Beckham kanë marrë vëmendje të madhe pas postimeve të bujshme në “Instagram” nga Brooklyn Beckham. David Beckham foli për herë të parë mbi situatën gjatë një interviste në programin financiar të CNBC-së, Squawk Box, të martën, 20 janar.

50-vjeçari theksoi ndikimin e rrjeteve sociale tek shëndeti mendor dhe theksoi se fëmijët mund të bëjnë gabime: “Gjithmonë kam folur për fuqinë e rrjeteve sociale, për të mirën dhe të keqen… E keqja është se ajo që fëmijët mund të shohin sot mund të jetë e rrezikshme. Por unë kam përfituar personalisht duke përdorur platformën time për UNICEF, për të ndihmuar fëmijët në mbarë botën.”

Beckham shtoi se ka përpjekur të edukojë fëmijët e tij – Brooklyn, 26 vjeç, Romeo, 23, Cruz, 20 dhe Harper, 14 – duke i lejuar të mësojnë nga gabimet: “Fëmijët bëjnë gabime, por kjo është mënyra si mësojnë. Ndonjëherë duhet t’i lejojmë të bëjnë ato gabime.”

Komentet e tij vijnë pas një serie postimesh emocionale të Brooklyn, i cili akuzoi David dhe Victoria Beckham për përpjekje për të dëmtuar martesën e tij me Nicola Peltz Beckham dhe për ndërhyrje në jetën e tij private.

Megjithatë, David u fokusua te përgjegjësia dhe edukimi: “Fëmijët kanë të drejtë të bëjnë gabime, dhe ne si prindër duhet t’i udhëzojmë, jo t’i gjykojmë.”

Situata duket se është e ndërlikuar, por Beckham tregon se synon të ruajë ekuilibrin mes mbështetjes së fëmijëve dhe mësimeve të jetës.