DJ Gimbo është zyrtarisht një nga konkurrentët e këtij edicioni të Big Brother, duke u bërë pjesë e garës për Çmimin e Madh. Lajmi ka ngjallur interes të madh, veçanërisht në skenën muzikore dhe te ndjekësit e reality show-t.

I njohur si DJ personal i fituesit të Big Brother VIP 4, Gjestit, DJ Gimbo ka ndërtuar një emër të fortë në botën e muzikës elektronike dhe argëtimit. Ai është prezent në club-e të njohura, evente private dhe festa të mëdha, ku spikat për energjinë dhe stilin e tij dinamik.

DJ Gimbo konsiderohet si një nga DJ-të më të kërkuar të momentit, falë set-eve të tij që ndezin atmosferën dhe angazhojnë publikun nga fillimi deri në fund. Hyrja e tij në Big Brother pritet të sjellë ritëm, energji dhe dinamika të reja brenda shtëpisë, duke e bërë atë një nga konkurrentët më interesantë për t’u ndjekur në këtë edicion.