E ftuar ditën e sotme në emisionin “Fan Club”, Lorna Hysa, e eliminuara e mbrëmjes së djeshme nga shtëpia e “Big Brother VIP”, ka reaguar ashpër ndaj deklaratave që, sipas saj, janë bërë në dëm të figurës dhe moralit të saj.

Ish-banorja paralajmëroi ndjekje civile dhe penale ndaj gazetarit Elton Tozaj, duke e akuzuar për shpifje dhe përhapje të informacioneve të pavërteta. Sipas Lornës, komentet e bëra publikisht kanë cenuar rëndë integritetin e saj personal.

“Ka pasur aludime dhe shpifje ndaj meje dhe moralit tim. Personi që ka folur në emrin tim do të ketë ndjekje penale dhe civile për atë që ka thënë,” u shpreh ajo gjatë emisionit.

Lorna shtoi se gazetari në fjalë ka pretenduar njohje dhe lidhje të pavërteta mes saj dhe disa banorëve të tjerë të shtëpisë, duke theksuar se mediat janë fokusuar padrejtësisht te një personazh i vetëm i njohur i “BBV”.

“Ne vërtet njihemi prej vitesh, por nuk ka pasur asnjëherë asgjë mes nesh,” sqaroi ajo, duke mohuar kategorikisht çdo aludim për marrëdhënie personale.

Deklarata e Lornës ka nxitur reagime të shumta në rrjete sociale, ndërsa pritet të shihet nëse çështja do të ndiqet zyrtarisht në rrugë ligjore.