Sarandë – Një përleshje me shkopinj dhe thika në lagjen “Baba Rexhep” të qytetit të Sarandës ka lënë dy të plagosur dhe ka sjellë arrestimin e dy personave, ndërsa një tjetër shpallet në kërkim.

Ngjarja ndodhi mëngjesin e sotëm, kur shtetasit Anest Gjonca, Mikel Hoxha dhe Xhuliano Sanxhaku dyshohet se kanë hyrë në banesën e B. Q., ku për motive të dobëta kanë goditur me sende të forta dhe mjet prerës shtetasit Enea Qorri, B. Q. dhe vetë Anest Gjoncën. Si pasojë, Enea Qorri dhe Anest Gjonca u plagosën, por jashtë rrezikut për jetën.

Policia njoftoi se u arrestuan Mikel Hoxha, 24 vjeç, dhe Xhuliano Sanxhaku, 27 vjeç, ndërsa shtetasi Florjan Gjoncaj është shpallur në kërkim. Materialet i janë kaluar Prokurorisë për akuzën “Plagosja e rëndë me dashje”, kryer në bashkëpunim.