Khloe Kardashian ka rrëfyer se prej kohësh vuan nga sarmasofobia – frikë e fortë nga angazhimi në marrëdhënie romantike. Ajo foli hapur për këtë në podcast-in e saj “Khloe In Wonder Land”, gjatë një bisede me motrën Kim Kardashian.

“Ideja për të hyrë sërish në një lidhje më frikëson, sepse aktualisht ndihem e sigurt emocionalisht dhe nuk dua të përjetoj sërish dhimbjet e së kaluarës,” tha Khloe, duke pranuar se edhe pse nuk mund të jetojë përgjithmonë me frikë, po e shmang aktualisht jetën sentimentale.

Motra Kim zbuloi gjithashtu se edhe ajo është beqare dhe e përqendruar në studimet për drejtësi. Khloe nuk ka qenë në një marrëdhënie intime prej tre vitesh, që nga lidhja e saj me basketbollistin Tristan Thompson, me të cilin ka dy fëmijë.

Psikologu Levine nga Beverly Hills shpjegon se frika nga lidhjet pas zhgënjimeve të shumta është një reagim normal. Ai rekomandon që Khloe t’i japë vetes kohë për t’u shëruar emocionalisht dhe të kthehet gradualisht në situata sociale dhe romantike. Terapia kognitive-biheviorale mund të ndihmojë në kuptimin dhe tejkalimin e frikës.

Sarmasofobia mund të ndikojë ndjeshëm në marrëdhëniet personale dhe jetën e përditshme, ndaj kërkimi i ndihmës profesionale konsiderohet i rëndësishëm për mirëqenien emocionale dhe ndërtimin e marrëdhënieve më të shëndetshme në të ardhmen.