Deputetja e Partisë Demokratike, Ina Zhupa, deklaroi sot në Kuvend se projektligji për Reformën Territoriale duhet të tërhiqet, duke theksuar se mazhoranca nuk mund t’i imponojë këtë proces opozitës.

Zhupa nënvizoi se komisionet parlamentare funksionojnë me bashkëkryesim dhe se vendimmarrja nuk duhet të jetë e njëanshme. Ajo tha se ultimatume dhe vendime të imponuara mund të dështojnë reformën dhe pengojnë dialogun politik.

“Reforma territoriale nuk duhet të dështojë për shkak të mungesës së dialogut dhe respektit ndaj opozitës. Ky proces duhet të ndërtohet mbi mirëkuptim dhe jo presion politik,” u shpreh deputetja, duke theksuar se Partia Demokratike nuk mund të detyrohet të pranojë afate ose vendime të njëanshme, përfshirë përcaktimin e kohës së zhvillimit të zgjedhjeve.