Pas transmetimit të klipit në prime, ku u rikthye në diskutim marrëdhënia Miri–Selin, situata në shtëpi u tensionua ndjeshëm. Gimbo, banori me të cilin Selini ka pasur afrimitet ditët e fundit, u shfaq i mërzitur, çka solli një debat të hapur mes dyshes.

Selini i kërkoi qartësi, duke theksuar se nuk pranon më situata të paqarta apo ndjenja të lëna pezull.

“Je mërzitur se po ridiskutohej një marrëdhënie me një person që unë e kisha sqaruar 1000 herë. Dhe unë do kisha shkuar dhe do kisha thënë: o Gimbo, nëse ti për mua nuk ke ndonjë ndjenjë… mos e lër të hapur, thuaj jo, nuk kam”, u shpreh Selini.

Gimbo reagoi shkurt, duke thënë:
“Kjo është Selin.”

Por Selini vijoi me tone të forta, duke theksuar se është e sinqertë me veten dhe nuk ushqen iluzione.

“Unë nuk jam budallaqe një, dhe e dyta nuk i jap mënd dikujt tjetër dot”, tha ajo.

Gimbo iu përgjigj:
“Kështu e ke të sigurt, fol fol.”

Në vazhdim, Selini sqaroi se ka reflektuar gjatë për situatën dhe se shpesh e vë veten në pikëpyetje për shkak të ndjeshmërisë që ka.

“E kam diskutuar aq shumë herë për të qenë unë e drejtë me veten time, saqë në thonjëza unë me veten time jam okej… shpesh herë vihem në shumë pikëpyetje, Gimbo”, u shpreh ajo.

Nga ana e tij, Gimbo e mbylli diskutimin duke theksuar:
“Shumë është diskutuar kjo gjë, Selin.”

Debati i drejtpërdrejtë mes tyre ka shtuar tensionin në shtëpi dhe ka lënë të hapur pikëpyetje mbi vijimin e raportit mes Selinit dhe Gimbos në ditët në vazhdim.